[Home] [Databases] [World Law] [Multidatabase Search] [Help] [Feedback]
	Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Rheoliadau Digartrefedd URL: http://www.bailii.org/wales/legis/num_reg/2000/20001079w.html

[New search] [Help]

OFFERYNNAU STATUDOL 2000 Rhif 1079 (Cy. 72) TAI, CYMRU (Cymru) 2000 Rheoliadau Digartrefedd   Wedi'u gwneud 30 Mawrth 2000     Yn dod i rym 1 Ebrill 2000   Mae Cynulliad Cenedlaethol Cymru yn gwneud y Rheoliadau canlynol drwy arfer y pwerau a roddwyd i'r Ysgrifennydd Gwladol gan adrannau 185(2) a (3), 194(6) a 198(4) o Ddeddf Tai 1996 [1] ac a freiniwyd yn y Cynulliad Cenedlaethol bellach i'r graddau y mae'n arferadwy yng Nghymru [2]. Enw, cychwyn a chymhwyso      1.  - (1) Enw'r Rheoliadau hyn yw Rheoliadau Digartrefedd (Cymru) 2000 a deuant i rym ar 1 Ebrill 2000.     (2) Mae'r Rheoliadau hyn yn gymwys i Gymru yn unig. Cymhwyster ar gyfer cymorth tai      2. Bydd Rheoliadau 3, 4, 5 a 6 o Reoliadau Digartrefedd (Lloegr) [3] yn cael effaith yng Nghymru a bydd i'r mynegiadau a ddefnyddir yn y Rheoliadau hynny yr un ystyr ag a roddir iddynt gan Reoliad 2 o'r Rheoliadau hynny. Diddymu      3. Diddymir y Rheoliadau canlynol mewn perthynas â Chymru - (a) Rheoliadau Digartrefedd 1996 [4]; (b) Rheoliadau 4 a 5 o Reoliadau Dyrannu Tai a Digartrefedd (Diwygio) 1997[5]; (c) Rheoliad 3 o Reoliadau Dyrannu Tai a Digartrefedd (Diwygio) (Rhif 2) 1997 [6] Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998 [7]. D. Elis Thomas Llywydd y Cynulliad Cenedlaethol 30 Mawrth 2000 EXPLANATORY NOTE (Nid yw'r nodyn hwn yn rhan o'r Rheoliadau) Nid yw person sy'n ddarostyngedig i reolaeth mewnfudo o fewn ystyr Deddf Lloches a Mewnfudo 1996 yn gymwys ar gyfer cymorth tai o dan Rhan VII o Ddeddf Tai 1996 (digartrefedd) onid yw mewn dosbarth a ragnodir mewn perthynas â Chymru gan Gynulliad Cenedlaethol Cymru (adran 185)(2)). Caiff Cynulliad Cenedlaethol Cymru wneud darpariaeth o ran disgrifiadau eraill o bersonau sydd i'w trin at ddibenion Rhan VII fel personau o dramor nad ydynt yn gymwys ar gyfer cymorth tai (adran 185(3)). O dan adran 194 o Ddeddf Tai 1996 caiff awdurdod tai lleol roi hysbysiad ei fod yn bwriadu peidio ag arfer ei b er i sicrhau llety o dan yr adran honno. Rhaid rhoi hysbysiad o'r fath ddim llai na'r cyfnod rhagnodedig cyn y diwrnod a bennir ynddo. O dan adran 198 o Ddeddf Tai 1996 un o'r amodau dros gyfeirio achos digartrefedd i awdurdod arall yw bod y ceisydd wedi'i roi mewn llety yn ardal yr awdurdod y gwneir y cais iddo yn awr yn unol â chais blaenorol a gafodd ei wneud o fewn y cyfnod rhagnodedig i'r awdurdod arall hwnnw. Mae Rheoliadau Digartrefedd (Lloegr) 2000 yn rhagnodi dosbarthiadau o bersonau at ddiben adran 185(2), yn gwneud darpariaeth ar gyfer disgrifiadau o bersonau at ddiben adran 185(3), yn rhagnodi'r cyfnod at ddiben adran 194 ac yn rhagnodi'r cyfnod at ddiben adran 198. Mae'r Rheoliadau hyn yn darparu bod y darpariaethau hynny yn Rheoliadau Digartrefedd (Lloegr) 2000 yn effeithiol yng Nghymru, ac mewn perthynas â Chymruyn diddymu Rheoliadau Digartrefedd 1996 a Rheoliadau a'u diwygiodd. Notes: [1] 1996. p.52back [2] Gweler Gorchymyn Cynulliad Cenedlaethol Cymru (Trosglwyddo Swyddogaethau) (O.S. 1999/672).back [3] O.S. 2000/701back [4] O.S. 1996/2754; diwygiwyd gan O.S. 1997/631 a O.S. 1997/2046.back [5] O.S. 1997/631.back [6] O.S. 1997/2046.back [7] 1998 p.38back English version