[Home] [Databases] [World Law] [Multidatabase Search] [Help] [Feedback]
	Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Rheoliadau Cynigion Trefniadaeth Ysgol gan Gyngor Cenedlaethol Cymru dros Addysg a Hyfforddiant 2002 URL: http://www.bailii.org/wales/legis/num_reg/2002/20020432w.html

[New search] [Help]

ystyr "coleg addysg bellach" ("further education college") yw sefydliad o fewn y sector addysg bellach (o fewn ystyr adran 91(3) o Ddeddf Addysg Bellach ac Uwch 1992)[4]);

ystyr "y Cyngor" ("the Council") yw Cyngor Cenedlaethol Cymru dros Addysg a Hyfforddiant;

ystyr "cynigion i gau chweched dosbarth" ("proposals to discontinue a sixth form") yw cynigion o'r math a grybwyllir ym mharagraff 20(1) o Atodlen 7;

ystyr "y Cynulliad Cenedlaethol" ("the National Assembly") yw Cynulliad Cenedlaethol Cymru;

ystyr "datganiad o anghenion addysgol arbennig" ("statement of special educational needs") yw datganiad o anghenion addysgol arbennig a gynhelir o dan Ran IV o Ddeddf Addysg 1996[5];

ystyr "Deddf 1998" ("the 1998 Act") yw Deddf Safonau a Fframwaith Ysgolion 1998;

ystyr "Deddf 2000" ("the 2000 Act") yw Deddf Dysgu a Medrau 2000;

mae i "grp oedran perthnasol" yr ystyr a roddir i "relevant age group" gan adran 142(1) o Ddeddf 1998;

ystyr "sefydliad 16 i 19 oed" ("16 to 19 institution") yw ysgol a gynhelir - 

(a) sy'n darparu addysg llawn amser sy'n addas i ofynion disgyblion dros oedran ysgol gorfodol, a

(b) nad yw'n darparu addysg llawn amser sy'n addas i ofynion disgyblion oedran ysgol gorfodol;

ystyr "ysgol arbennig" ("special school") yw ysgol gymunedol arbennig neu ysgol sefydledig arbennig;

ystyr "ysgol prif-ffrwd" ("mainstream school") yw ysgol a gynhelir heblaw ysgol arbennig.

    (2) Mae unrhyw gyfeiriad yn y Rheoliadau hyn at Atodlen 7 yn gyfeiriad at Atodlen 7 i Ddeddf 2000.

    (3) At ddibenion y Rheoliadau hyn dyddiad cyhoeddi cynigion yw - 

(a) y dyddiad pan fodlonir gofynion rheoliad 4; neu

(b) pan fodlonir gofynion gwahanol ar ddyddiadau gwahanol, yr olaf o'r dyddiadau hynny.

Yr wybodaeth sydd i'w chynnwys mewn cynigion a gyhoeddir
     3.  - (1) Mae'r rheoliad hwn yn rhagnodi'r wybodaeth y mae'n rhaid i gynigion a gyhoeddir o dan baragraff 20 neu 28 o Atodlen 7 ei chynnwys at ddibenion paragraffau 20(2) a 28(2) o Atodlen 7.

    (2) Rhaid i'r cynigion hynny gynnwys yr wybodaeth a bennir yn Atodlen 1 i'r Rheoliadau hyn.

Dull cyhoeddi'r cynigion
     4.  - (1) Mae'r rheoliad hwn yn rhagnodi dull cyhoeddi'r cynigion y mae'n ofynnol eu cyhoeddi o dan baragraff 20 neu 28 o Atodlen 7 at ddibenion paragraffau 20(2) a 28(2) o Atodlen 7.

    (2) Os ysgol a gynhelir yw'r ysgol, rhaid cyhoeddi cynigion o'r fath - 

(a) drwy eu gosod mewn man amlwg yn yr ardal y mae'r ysgol yn ei gwasanaethu;

(b) mewn o leiaf un papur newydd sy'n cylchredeg yn yr ardal honno; ac

(c) drwy eu gosod ym mhrif fynedfa'r ysgol neu wrth ei hymyl neu, os oes mwy nag un brif fynedfa, pob un ohonynt.

    (3) Pan fydd ysgol yn ysgol arbennig, rhaid cyhoeddi cynigion o'r fath - 

(a) mewn o leiaf un papur newydd sy'n cylchredeg yn ardal yr awdurdod addysg lleol sy'n cynnal yr ysgol; a

(b) drwy eu gosod ym mhrif fynedfa'r ysgol neu wrth ei hymyl neu, os oes mwy nag un brif fynedfa, pob un ohonynt.

Yr wybodaeth sydd i'w hanfon at y Cynulliad Cenedlaethol
     5.  - (1) Mae'r rheoliad hwn yn rhagnodi, at ddibenion paragraffau 21(1)(b) a 29(1)(b) o Atodlen 7, yr wybodaeth y mae'n rhaid i'r Cyngor ei hanfon at y Cynulliad Cenedlaethol.

    (2) Rhaid i'r Cyngor anfon at y Cynulliad Cenedlaethol yr wybodaeth a bennir yn Rhan II o Atodlen 2 i'r Rheoliadau hyn, os yw'r ysgol yn ysgol prif-ffrwd, neu Ran III o'r Atodlen honno, os yw'r ysgol yn ysgol arbennig, ynghyd â'r canlynol - 

(a) yr wybodaeth a bennir yn Rhan IV o'r Atodlen honno, os yw'r cynigion yn gynigion i gau chweched dosbarth; neu

(b) yr wybodaeth a bennir yn Rhan V o'r Atodlen honno, os yw'r cynigion yn gynigion i gau sefydliad 16 - 19 oed.

    (3) Mae Rhan I o Atodlen 2 yn gymwys er mwyn dehongli'r termau a ddefnyddir yn Rhannau II i V o'r Atodlen honno.

Cyrff y mae'n rhaid anfon copi o'r cynigion a gyhoeddir atynt  -  ysgolion arbennig
     6.  - (1) Mae'r rheoliad hwn yn rhagnodi, at ddibenion paragraffau 21(2) a 29(2) o Atodlen 7, y cyrff neu'r personau, yn achos ysgol arbennig, y mae'n rhaid i'r Cyngor hefyd anfon copi o'r cynigion a gyhoeddir atynt.

    (2) Rhaid i'r Cyngor anfon copi o'r cynigion a gyhoeddir - 

(a) at yr awdurdod addysg lleol sy'n cynnal yr ysgol;

(b) at bob awdurdod addysg lleol sy'n cynnal datganiad o anghenion addysgol arbennig mewn perthynas â disgybl cofrestredig yn yr ysgol honno;

(c) at rieni pob disgybl cofrestredig sydd yn yr ysgol;

(ch) at unrhyw Awdurdod Iechyd sy'n gweithredu dros unrhyw ardal sy'n cynnwys unrhyw ran o ardal yr awdurdod addysg lleol sy'n cynnal neu y cynigir y dylai gynnal yr ysgol; a

(d) at unrhyw Ymddiriedolaeth Gwasanaeth Iechyd Gwladol sydd â chyfrifoldeb am berchenogaeth neu reolaeth unrhyw ysbyty neu sefydliad arall neu gyfleusterau yn ardal yr awdurdod addysg lleol sy'n cynnal yr ysgol.

Gwrthwynebiadau i'r cynigion
     7.  - (1) Mae'r rheoliad hwn yn rhagnodi, at ddibenion paragraff 41 o Atodlen 7, y cyfnod pryd y gellir anfon gwrthwynebiadau i'r cynigion at y Cynulliad Cenedlaethol.

    (2) Rhaid anfon gwrthwynebiadau at y Cynulliad Cenedlaethol o fewn mis ar ôl dyddiad cyhoeddi'r cynigion.

Cymeradwyaethau amodol
     8.  - (1) Mae'r rheoliad hwn yn rhagnodi mathau o ddigwyddiadau at ddibenion paragraff 42(4) o Atodlen 7 (sy'n darparu y gall cymeradwyaeth i gynigion fod yn ddarostyngedig i ddigwyddiad penodedig sydd o fath rhagnodedig ac sy'n gorfod digwydd erbyn amser penodedig).

    (2) Y mathau o ddigwyddiadau yw unrhyw un o'r digwyddiadau canlynol sy'n ymwneud ag unrhyw ysgol neu ysgol arfaethedig arall y cyhoeddwyd cynigion ynglyn â hi o dan adran 28 neu 31 o Ddeddf 1998 - 

(a) rhoi caniatâd cynllunio o dan Ran III o Ddeddf Cynllunio Gwlad a Thref 1990[6];

(b) caffael tir y mae'r ysgol newydd, ehangiad arfaethedig o safle'r ysgol neu newid arall yn safle'r ysgol i gael eu hadeiladau arno;

(c) caffael meysydd chwarae sydd i'w darparu ar gyfer yr ysgol;

(ch) sicrhau unrhyw fynedfa angenrheidiol i dir neu feysydd chwarae y cyfeirir atynt ym mharagraffau (b) ac (c) yn ôl eu trefn yn y paragraff hwn;

(d) gwneud trafodiad cyllid preifat o fewn ystyr rheoliad 16 o Reoliadau Awdurdodau Lleol (Cyllid Cyfalaf) 1997[7]; ac

(dd) gwneud unrhyw gynllun sy'n ymwneud ag unrhyw elusen sy'n gysylltiedig â'r ysgol neu'r ysgol arfaethedig.

Darparu gwybodaeth gan y Cynulliad Cenedlaethol
     9.  - (1) Rhaid i'r Cynulliad Cenedlaethol hysbysu'r personau canlynol o bob penderfyniad a wneir o dan baragraff 42(1) neu 43(2) o Atodlen 7 - 

(a) y Cyngor;

(b) yr awdurdod addysg lleol sy'n cynnal yr ysgol;

(c) os yw'r ysgol yn ysgol arbennig, pob awdurdod addysg lleol sy'n cynnal datganiad o anghenion addysgol arbennig mewn perthynas â disgybl cofrestredig yn yr ysgol;

(ch) corff llywodraethu'r ysgol y mae'r cynigion yn ymwneud â hi; a

(d) yn ddarostyngedig i baragraff (3), pob gwrthwynebydd y darparwyd cyfeiriad ar ei gyfer i'r Cynulliad Cenedlaethol.

    (2) Pan fydd y Cynulliad Cenedlaethol, yn unol â pharagraff (1), yn hysbysu'r personau y cyfeirir atynt yn y paragraff hwnnw o benderfyniad rhaid iddynt eu hysbysu hefyd o'r rhesymau dros y penderfyniad hwnnw.

    (3) Os bydd gwrthwynebiadau i gynnig ar ffurf deiseb (sef dogfen sy'n cynnwys testun un gwrthwynebiad wedi'i llofnodi gan fwy nag un gwrthwynebydd) gall y Cynulliad Cenedlaethol gydymffurfio â pharagraff (1)(d) - 

(a) drwy hysbysu'r person (os oes un) y mae'n ymddangos iddynt ei fod wedi trefnu i'r ddeiseb gael ei hanfon at y Cynulliad Cenedlaethol (os darparwyd cyfeiriad ar gyfer y person hwnnw); neu

(b) os nad oes person o'r fath (neu os na ddarparwyd cyfeiriad ar gyfer y person hwnnw), drwy hysbysu unrhyw un wrthwynebydd y mae ei enw'n ymddangos ar y ddeiseb.

Cynigion a gyhoeddir o dan baragraff 43(4) o Atodlen 7
     10. Mae Atodlen 3 i'r Rheoliadau hyn yn effeithiol mewn perthynas â chynigion o dan baragraff 43(4) o Atodlen 7 (cynigion a gafodd eu cyhoeddi a'u cymeradwyo'n flaenorol o dan Atodlen 7 nad ydynt i'w gweithredu).

Newid categori ysgol
     11. Os bydd ysgol, ar ôl i gynigion gael eu cyhoeddi o dan Atodlen 7 ond cyn iddynt gael eu gweithredu, yn newid categori o dan Atodlen 8 i Ddeddf 1998 o ysgol gymunedol neu ysgol gymunedol arbennig rhaid i'r cynigion (i'r graddau nad ydynt wedi cael eu gweithredu) gael eu gweithredu gan yr awdurdod addysg lleol (er gwaethaf paragraff 44 o Atodlen 7).



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[8].


D. Elis - Thomas
Llywydd y Cynulliad Cenedlaethol

26 Chwefror 2002

Rheoliad 3


YR WYBODAETH SYDD I'W CHYNNWYS MEWN CYNIGION A GYHOEDDIR

     1. Datganiad bod y cynigion yn cael eu cyhoeddi gan y Cyngor.

     2. Y dyddiad y bwriedir gweithredu'r cynigion neu, os bwriedir gweithredu'r cynigion fesul cam, y dyddiad y bwriedir gweithredu pob cam.

     3. Manylion yr ysgolion neu'r colegau addysg bellach y gall disgyblion sydd yn yr ysgol y bwriedir cau'r ddarpariaeth ar eu cyfer fynychu, gan gynnwys unrhyw drefniadau dros dro.

     4. Y trefniadau arfaethedig i gludo'r disgyblion hynny i ysgolion eraill neu golegau addysg bellach.

     5. Manylion unrhyw fesurau eraill y bwriedir eu cymryd i gynyddu nifer y lleoedd mewn ysgolion neu golegau addysg bellach sydd ar gael yn sgil y bwriad i gau'r ddarpariaeth.

     6. Os cynigion ydynt i gau chweched dosbarth, nifer y disgyblion sydd i'w derbyn i'r ysgol ym mhob grp oedran perthnasol yn y flwyddyn ysgol gyntaf y mae'r cynigion wedi'u gweithredu neu, os bwriedir gweithredu'r cynigion fesul cam, nifer y disgyblion sydd i'w derbyn i'r ysgol yn y flwyddyn ysgol gyntaf y mae pob cam wedi'u gweithredu.

     7. Os cynigion ydynt i gau chweched dosbarth - 

(a) mewn ysgol gymunedol neu ysgol gymunedol arbennig, datganiad mai dyletswydd ar yr awdurdod addysg lleol yw'r ddyletswydd i weithredu'r cynigion,

(b) mewn ysgol wirfoddol, ysgol sefydledig neu ysgol sefydledig arbennig, datganiad mai dyletswydd ar y corff llywodraethu yw'r ddyletswydd i weithredu'r cynigion.

     8. Os cynigion ydynt i gau - 

(a) sefydliad 16 - 19 oed sy'n ysgol gymunedol neu'n ysgol gymunedol arbennig, datganiad mai dyletswydd ar yr awdurdod addysg lleol yw'r ddyletswydd i weithredu'r cynigion,

(b) sefydliad 167mdash;19 oed sy'n ysgol wirfoddol neu'n ysgol sefydledig, datganiad mai dyletswydd wedi'i rhannu gan y corff llywodraethu a'r awdurdod addysg lleol yw'r ddyletswydd i weithredu'r cynigion.

     9. Datganiad yn esbonio effaith paragraff 41 o Atodlen 7 a rheoliad 7 gan gynnwys y dyddiad erbyn pryd y mae'n rhaid anfon gwrthwynebiadau at y Cynulliad Cenedlaethol.

     10. Cyfeiriad y Cynulliad Cenedlaethol y mae'n rhaid anfon gwrthwynebiadau ato.

    (2) At ddibenion yr Atodlen hon penderfynir ar faint o le sydd mewn ysgol yn unol ag Atodlen 1 i Reoliadau Addysg (Cynigion Trefniadaeth Ysgol) (Cymru) 1999[9].

(a) copïau o'r dogfennau ymgynghori; a

(b) barn ac ymatebion y personau yr ymgynghorwyd â hwy.

     4. Map yn dangos lleoliad yr ysgol sy'n destun y cynigion a phob ysgol gymunedol, ysgol wirfoddol ac ysgol sefydledig arall o fewn y radiws perthnasol i'r ysgol.

     5. Rhestr o bob ysgol uwchradd o fewn y radiws perthnasol i'r ysgol sy'n destun y cynigion, sy'n datgan pa rai o'r ysgolion hynny a gynhelir gan awdurdod addysg lleol gwahanol, ynghyd â'r wybodaeth ganlynol ar gyfer pob ysgol o'r fath am y flwyddyn ysgol gyfredol, ac am y flwyddyn ysgol flaenorol (ac eithrio'r wybodaeth a bennir yn is-baragraff (ch));

(a) y rhif safonol perthnasol ar gyfer pob grp oedran perthnasol;

(b) nifer y grwpiau blwyddyn;

(c) faint o le sydd yn yr ysgol; ac

(ch) nifer y disgyblion yn yr ysgol

a rhagolwg o'r materion a bennir yn is-baragraffau (b) i (ch) am bob un o'r pum blwyddyn ysgol sy'n dilyn.

     6. Y manylion canlynol addysg chweched dosbarth a ddarperir ar hyn o bryd yn yr ysgol - 

(a) cyrsiau sy'n arwain at arholiadau Safon Uwch ac Uwch Gyfrannol TAG,

(b) cyrsiau sy'n arwain at gymwysterau galwedigaethol uwch (GNVQ uwch yn benodol),

(c) cyrsiau eraill, ac

(ch) nifer y disgyblion sy'n mynychu pob un o'r cyrsiau.

     7. Copïau o adroddiadau'r ddau arolygiad o dan Ran I o Ddeddf Arolygiadau Ysgolion 1996[10] y mae Rhan II a III o Atodlen 7 yn gymwys mewn perthynas â'r ysgol o'u plegid.

(a) copïau o'r dogfennau ymgynghori; a

(b) barn ac ymatebion y personau yr ymgynghorwyd â hwy.

     10. Map yn dangos lleoliad yr ysgol sy'n destun y cynigion.

     11. Rhestr o'r canlynol - 

(a) yr holl ysgolion arbennig sy'n darparu addysg ar gyfer disgyblion dros oedran ysgol gorfodol, a

(b) yr holl ysgolion eraill a gynhelir gan awdurdod addysg lleol sy'n darparu addysg i ddisgyblion dros oedran ysgol gorfodol y mae darpariaeth ynddynt a gydnabyddir gan yr awdurdod addysg lleol yn un a gedwir ar gyfer plant ag anghenion addysgol arbennig,

yn ardal yr awdurdod addysg lleol sy'n cynnal yr ysgol.

     12. Gwybodaeth o ran - 

(a) nifer y disgyblion dros oedran ysgol gorfodol ym mhob ysgol y cyfeirir ati ym mharagraff 11(a), a

(b) nifer y disgyblion dros oedran ysgol gorfodol ym mhob ysgol y cyfeirir ati ym mharagraff 11(b) y gwneir y ddarpariaeth y cyfeirir ati yn yr is-baragraff hwnnw ar eu cyfer,

yn y flwyddyn ysgol gyfredol a rhagolwg o'r nifer hwnnw am bob un o'r pum blwyddyn ysgol sy'n dilyn.

     13. Gwybodaeth o ran nifer y disgyblion dros oedran ysgol gorfodol ag anghenion addysgol arbennig o bob un o'r mathau y mae'r awdurdod addysg lleol yn cynnal datganiad o anghenion addysgol arbennig yn y flwyddyn ysgol gyfredol ar eu cyfer ynghyd â rhagolwg o'r niferoedd hynny am bob un o'r pum blwyddyn ysgol sy'n dilyn.

     14. Copïau o adroddiadau'r ddau arolygiad o dan Ran I o Ddeddf Arolygiadau Ysgolion 1996 y mae Rhan II a III o Atodlen 7 yn gymwys mewn perthynas â'r ysgol o'u plegid.

(a) nifer y grwpiau blwyddyn,

(b) faint o le sydd yn yr ysgol, ac

(c) nifer y disgyblion sydd yn yr ysgol,

a rhagolwg o'r materion hynny ym mhob un o'r pum blwyddyn ysgol sy'n dilyn gan ragdybio bod y cynigion yn cael eu cymeradwyo.

     16. Os ysgol arbennig yw'r ysgol, yr wybodaeth ganlynol sy'n ymwneud â'r ysgol am y flwyddyn ysgol gyfredol a'r pedair blwyddyn ysgol flaenorol - 

(a) nifer y disgyblion yn yr ysgol,

(b) nifer y disgyblion ym mhob grp oedran ac o bob rhyw, ac

(c) nifer y disgyblion â phob un o'r mathau o anghenion addysgol arbennig y mae darpariaeth yn cael ei gwneud ar eu cyfer yn yr ysgol,

a rhagolwg o'r niferoedd hynny am bob un o'r pum blwyddyn ysgol sy'n dilyn gan ragdybio bod y cynigion yn cael eu cymeradwyo.

     17. Pan fydd y cynigion yn ymwneud ag ysgol wirfoddol, datganiad a fydd, o ganlyniad i'r cynigion, angen mwyach am y tir a'r adeiladau a ddefnyddir at ddibenion yr ysgol ac os na fydd angen - 

(a) datganiad a yw'r tir a'r adeiladau hynny i'w gwerthu, ac os felly, amcangyfrif o arenillion y gwerthiant, a

(b) os nad yw'r tir a'r adeiladau i'w gwerthu, datganiad ar ddefnydd arfaethedig y tir a'r adeiladau,

os trefnwyd bod yr wybodaeth honno ar gael i'r Cyngor.

     18. Manylion nifer y disgyblion dros oedran ysgol gorfodol ym mhob grp blwyddyn sy'n aros yn yr ysgol sy'n destun cynigion yn y ddwy flynedd cyn y flwyddyn ysgol gyfredol.

     19. Manylion nifer y disgyblion dros oedran ysgol gorfodol ym mhob grp oedran sydd wedi trosglwyddo o'r ysgol sy'n destun y cynigion i sefydliad arall sy'n darparu addysg llawn amser neu ran-amser yn ystod y cyfnod y cyfeirir ato ym mharagraff 18.

     20. Manylion y sefydliadau y trosglwyddodd y disgyblion y cyfeirir atynt ym mharagraff 19 iddynt gan ddangos faint o ddisgyblion a aeth i bob sefydliad felly.

     21. Nifer y disgyblion y cyfeirir atynt ym mharagraffau 18 a 19 ym mhob grp blwyddyn hwnnw.

     22. Manylion yr ysgolion neu'r colegau addysg bellach y bwriedir y gall disgyblion sy'n cael addysg chweched dosbarth ar hyn o bryd drosglwyddo iddynt os cymeradwyir y cynigion, gan gynnwys asesiad o ansawdd y sefydliadau hynny ac o unrhyw drefniadau pontio a fydd yn gymwys.

     23. Os ysgol prif-ffrwd yw'r ysgol, manylion canlyniadau'r arholiadau canlynol ar gyfer y ddwy flwyddyn ysgol cyn y flwyddyn ysgol gyfredol yn yr ysgol sy'n destun y cynigion ac ym mhob ysgol a gynhelir, pob coleg technoleg dinas, pob coleg dinas ar gyfer technoleg y celfyddydau a phob coleg addysg bellach a enwir yn unol â pharagraff 20 - 

(a) canlyniadau arholiadau TGAU wedi'u cyfyngu, yn achos ysgolion heblaw'r ysgol sy'n destun y cynigion a cholegau addysg bellach, i ganlyniadau arholiadau TGAU a gymerwyd gan ddisgyblion dros oedran ysgol gorfodol;

(b) canlyniadau arholiadau safon Uwch ac Uwch Gyfrannol TAG, ac

(c) NVQs, GNVQs a chymwysterau galwedigaethol eraill a enillwyd gan ddisgyblion dros oedran ysgol gorfodol.

     24. Nifer y lleoedd sydd ar gael yn y sefydliadau hynny a enwir yn unol â pharagraff 20 sydd yn ysgolion.

     25. Manylion y pellter, wedi'i fesur ar y llwybr byrraf sydd ar gael, rhwng yr ysgol a'r holl sefydliadau a enwir yn unol â pharagraff 20 ynghyd â manylion am y cludiant cyhoeddus sydd ar gael i'r sefydliadau hynny a enwir yn unol â pharagraff 22 (pan nad oes gwybodaeth felly wedi'i chynnwys eisoes mewn unrhyw drefniadau arfaethedig ar gyfer cludiant a gynhwysir mewn cynigion a gyhoeddir yn unol â pharagraff 4 o Atodlen 1).

(a) y rhif safonol perthnasol ar gyfer pob grp oedran perthnasol;

(b) nifer y grwpiau blwyddyn;

(c) faint o le sydd yn yr ysgol; ac

(ch) nifer y disgyblion yn yr ysgol.

     27. Os ysgol arbennig yw'r ysgol, yr wybodaeth ganlynol sy'n ymwneud â'r ysgol ar gyfer y flwyddyn ysgol gyfredol a'r pedair blwyddyn ysgol flaenorol - 

(a) nifer y disgyblion yn yr ysgol;

(b) nifer y disgyblion ym mhob grp oedran ac o bob rhyw; ac

(c) nifer y disgyblion â phob un o'r mathau o anghenion addysgol arbennig y mae darpariaeth yn cael ei gwneud ar eu cyfer yn yr ysgol.

     28. Yr wybodaeth ganlynol sy'n ymwneud â'r ystafelloedd yn yr ysgol - 

(a) lleoliad yr ystafelloedd;

(b) a yw'r ysgol ar safle sengl neu ar safle wedi'i rannu; ac

(c) manylion yr ystafelloedd cyffredinol ac arbenigol.

     29. Manylion yr ysgolion a'r colegau addysg bellach y gellid yn rhesymol, ym marn y Cyngor, ddisgwyl i'r disgyblion a fyddai fel arall wedi mynychu'r ysgol allu eu mynychu ar ôl darfod oedran ysgol gorfodol os cymeradwyir y cynigion, gan gynnwys asesiad o ansawdd y sefydliadau hynny ac o unrhyw drefniadau pontio a fydd yn gymwys.

     30. Os ysgol prif-ffrwd yw'r ysgol, manylion canlyniadau'r arholiadau y cyfeirir atynt yn is-baragraffau (a) i (c) o baragraff 23 am y ddwy flwyddyn ysgol cyn y flwyddyn ysgol gyfredol yn yr ysgol sy'n destun y cynigion ac ym mhob ysgol a gynhelir, pob coleg technoleg dinas, pob coleg dinas ar gyfer technoleg y celfyddydau a phob coleg addysg bellach a enwir yn unol â pharagraff 29.

     31. Nifer y lleoedd sydd ar gael yn y sefydliadau a enwir yn unol â pharagraff 29 sydd yn ysgolion.

     32. Manylion y pellter, wedi'i fesur ar y llwybr byrraf sydd ar gael, rhwng yr ysgol a'r holl sefydliadau a bennir ym mharagraff 29 ynghyd â manylion am y cludiant cyhoeddus sydd ar gael i'r sefydliadau hynny (pan nad oes gwybodaeth felly wedi'i chynnwys eisoes mewn unrhyw drefniadau arfaethedig ar gyfer cludiant a gynhwysir mewn cynigion a gyhoeddir yn unol â pharagraff 4 o Atodlen 1).

[2] Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).back

[3] 2000 p.21.back

[4] 1992 p.13.back

[5] 1996 p.56.back

[6] 1990 p.8.back

[7] O.S. 1997/319; a ddiwygiwyd gan O.S. 1998/371.back

[8] 1998 p.38.back

[9] O.S. 1999/1671.back

[10] 1996 p.57.back

  Prepared 19 March 2002