[Home] [Databases] [World Law] [Multidatabase Search] [Help] [Feedback]
	Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Gorchymyn y Byrddau Iechyd Lleol (Trosglwyddo Eiddo, Hawliau a Rhwymedigaethau) (Cymru) 2003 Rhif 473 (Cy.63) URL: http://www.bailii.org/wales/legis/num_reg/2003/20030473w.html

[New search] [Help]

ystyr "awdurdod iechyd Cymreig" ("Welsh health authority") yw awdurdod iechyd a sefydlwyd o dan Orchymyn Sefydlu yr Awdurdodau Iechyd (Cymru) 1996[2];

ystyr "cofnodion" ("records") yw unrhyw ddeunydd ar ba ffurf neu ba gyfrwng bynnag sy'n cyfleu neu'n gallu cyfleu gwybodaeth ac a strwythurwyd drwy gyfeirio at  - 

(a) unigolion neu feini prawf sy'n ymwneud ag unigolion, yn y fath fodd bod gwybodaeth benodol sy'n berthnasol i unigolyn penodol ar gael yn hwylus; neu

(b) unrhyw eiddo, hawliau neu rwymedigaethau awdurdod gwasanaeth iechyd, yn y fath fodd bod gwybodaeth benodol sy'n berthnasol i eiddo, hawliau neu rwymedigaethau ar gael yn hwylus;

ystyr "cynnwys" ("contents") yw unrhyw eitem neu eiddo o ba ddisgrifiad bynnag sydd  - 

(a) yn eiddo awdurdod gwasanaeth iechyd yn union cyn y dyddiad trosglwyddo; a

(b) sydd yn bresennol yn neu ar y tir a ddisgrifir yn Atodlen 2 ar y dyddiad trosglwyddo,

gan gynnwys unrhyw gerbyd neu eiddo symudol a gedwir fel arfer ar y tir hwnnw pan na ddefnyddir ef;

ystyr "y dyddiad trosglwyddo" ("transfer date") yw 1 Ebrill 2003;

ystyr "system gyfrifiadurol a rennir" ("shared computer system") yw cyfarpar cyfrifiadurol sy'n gweithredu fel rhan o system gyfrifiadurol integredig ac y mae, yn union cyn y dyddiad trosglwyddo, wedi'i leoli yn neu ar fwy nag un o'r parseli o dir a bennir yng ngholofn 1 i Atodlen 1 neu golofn 1 i Atodlen 2, ac sy'n cynnwys unrhyw wybodaeth a meddalwedd sy'n cael ei ddal ar system o'r fath neu mewn perthynas â hi;

dehonglir "tir" ("land") yn unol ag Atodlen 1 i Ddeddf Dehongli 1978, ac eithrio y dehonglir unrhyw gyfeiriad at drosglwyddo tir yn rhinwedd y Gorchymyn hwn fel ei fod yn cynnwys trosglwyddo unrhyw drwydded dan gontract ar gyfer defnyddio'r tir;

ystyr "trydydd partïon" yw'r ystyr a roddir i ("third parties") yn adran 20(4) o Atodlen 5B i Ddeddf y Gwasanaeth Iechyd Gwladol 1977;

ystyr "Ymddiriedolaeth GIG Powys" ("the Powys NHS Trust") yw Ymddiriedolaeth Gwasanaeth Iechyd Gwladol Gofal Iechyd Powys a sefydlwyd gan Orchymyn Ymddiriedolaeth Gwasanaeth Iechyd Gwladol Gofal Iechyd Powys (Sefydlu) 1992[3];

    (2) Dehonglir bod unrhyw ddarpariaeth yn y Gorchymyn hwn sy'n trosgwyddo eiddo, onid yw'r cyd-destun yn mynnu fel arall, yn cynnwys cyfeiriad at drosglwyddo unrhyw hawliau a rhwymedigaethau awdurdod gwasanaeth iechyd sy'n bodoli mewn perthynas â'r eiddo hwnnw yn union cyn y dyddiad trosglwyddo.

    (3) Mae unrhyw gyfeiriad yn y Gorchymyn hwn at unrhyw hawliau neu rwymedigaethau awdurdod gwasanaeth iechyd yn cynnwys cyfeiriad at hawliau neu rwymedigaethau a gafwyd neu a dynnwyd gan unrhyw ragflaenydd yr awdurdod hwnnw yn y teitl.

    (4) Pan drosglwyddir eiddo, hawliau neu rwymedigaethau awdurdod gwasanaeth iechyd oddi wrth awdurdod gwasanaeth iechyd i Fwrdd Iechyd Lleol yn rhinwedd y Gorchymyn hwn, bydd unrhyw beth a wnaed gan yr awdurdod gwasanaeth iechyd neu mewn perthynas ag ef mewn cysylltiad â'r eiddo hwnnw, neu'r hawliau a'r rhwymedigaethau hynny yn cael ei drin fe pe bai wedi'i wneud gan y Bwrdd Iechyd Lleol hwnnw neu mewn perthynas ag ef.

Trosglwyddo tir awdurdodau gwasanaethau iechyd i Fyrddau Iechyd Lleol
     3. Gan fod yn effeithiol o'r dyddiad trosglwyddo ymlaen trosglwyddir y tir a ddisgrifir yng ngholofn 1 o Atodlen 1 oddi wrth yr awdurdod gwasanaeth iechyd a bennir yng ngholofn 2 o'r Atodlen honno i'r Bwrdd Iechyd Lleol a bennir yng ngholofn 3 o'r Atodlen honno.

Trosglwyddo cynnwys tir oddi wrth yr awdurdodau gwasanaethau iechyd i Fyrddau Iechyd Lleol
     4  - (1) Ar wahân i'r eithriadau a nodir ym mharagraff (2), gan fod yn effeithiol o'r dyddiad trosglwyddo ymlaen trosglwyddir y cynnwys yn neu ar y tir a bennir yng ngholofn 1 o Atodlen 2 oddi wrth yr awdurdod gwasanaeth iechyd a bennir yng ngholofn 2 o'r Atodlen honno i'r Bwrdd Iechyd Lleol a bennir yng ngholofn 3 o'r Atodlen honno.

    (2) Dyma'r eithriadau y cyfeirir atynt ym mharagraff (1)  - 

(a) unrhyw gofnodion; a

(b) unrhyw system gyfrifiadurol a rennir.

Trosglwyddo eiddo, hawliau a rhwymedigaethau Ymddiriedolaeth GIG Powys i Fwrdd Iechyd Lleol Powys
     5. Gan fod yn effeithiol o'r dyddiad trosglwyddo ymlaen trosglwyddir  - 

(a) tir Ymddiriedolaeth GIG Powys a bennir yn Atodlen 3; a

(b) pob eiddo, hawl a rhwymedigaeth arall, Ymddiriedolaeth GIG Powys i Fwrdd Iechyd Lleol Powys.

Trosglwyddo eiddo, hawliau a rhwymedigaethau gweddilliol oddi wrth yr awdurdodau iechyd Cymreig i Fwrdd Iechyd Lleol Powys
     6.  - (1) Mae'r erthygl hon yn ymwneud â  - 

(a) cofnodion

(b) systemau cyfrifiadurol a rennir;

(c) unrhyw eiddo, hawliau neu rwymedigaethau awdurdod iechyd Cymreig na throsglwyddir hwy yn rhinwedd unrhyw ddarpariaeth arall yn y Gorchymyn hwn.

    (2) Trosgwyddir pob eiddo, hawl a rhwymedigaeth y mae paragraff (1) uchod yn gymwys iddynt ar y dyddiad trosglwyddo oddi wrth yr awdurdodau iechyd Cymreig i Fwrdd Iechyd Lleol Powys.

Torri anghydfodau rhwng awdurdodau gwasanaethau iechyd
     7.  - (1) Os digwydd anghydfod o ganlyniad i unrhyw drosglwyddo a weithredir o dan y Gorchymyn hwn rhwng dau awdurdod gwasanaeth iechyd neu fwy, caiff unrhyw un o'r awdurdodau gwasanaeth iechyd hynny gyfeirio'r anghydfod at Gynulliad Cenedlaethol Cymru er mwyn iddo benderfynu arno.

    (2) Pan gyfeirir anghydfod at Gynulliad Cenedlaethol Cymru o dan baragraff (1) uchod, caiff y Cynulliad ei hun benderfynu arno neu, os yw'n ystyried bod hynny'n briodol, benodi person i benderfynu'r anghydfod ar ei ran.

    (3) Trwy benderfynu ar anghydfod a gyfeirir ato o dan baragraff (1) uchod, caiff y Cynulliad neu, yn ôl y digwydd, y person a benodir o dan baragraff (2) uchod ddatrys yr anghydfod a gosod telerau sy'n rhwymo ar yr awdurdodau gwasanaeth iechyd sy'n rhan o'r anghydfod.

    (4) Caiff penderfyniad ar anghydfod a gyfeirir o dan baragraff (1) uchod gynnwys yr amodau hynny (gan gynnwys amodau ynghylch talu) y bydd y Cynulliad neu, yn ôl y digwydd, y person a benodir o dan baragraff (2) uchod yn eu hystyried yn briodol er mwyn datrys y mater sy'n destun yr anghydfod.

Hawliau trydydd parti
     8  - (1) Os bydd trosglwyddiad yn rhinwedd y Gorchymyn hwn o unrhyw eiddo, hawliau neu rwymedigaethau yn gweithredu mewn modd sy'n effeithio'n andwyol ar hawliau unrhyw drydydd parti, bydd darpariaethau canlynol yr erthygl hon yn gymwys.

    (2) Nid yw'r ffaith bod unrhyw eiddo, hawl neu rwymedigaeth wedi'i drosglwyddo neu ei throsglwyddo yn rhinwedd y Gorchymyn hwn yn ddigonol ynddi ei hun i brofi bod hawliau trydydd parti wedi cael eu heffeithio'n andwyol.

    (3) Penderfynir unrhyw anghydfod rhwng trydydd parti ac awdurdod gwasanaeth iechyd yn unol â darpariaethau Deddf Cymrodeddu 1996[4] gan gymrodeddwr unigol a benodir drwy gytundeb rhwng y trydydd parti a'r awdurdod gwasanaeth iechyd, neu yn niffyg cytundeb o'r fath, o dan baragraff (4).

    (4) Os bydd y trydydd parti a'r awdurdod gwasanaeth iechyd yn methu â chytuno ar benodi cymrodeddwr o dan baragraff (3), caiff y naill neu'r llall ohonynt wneud cais i Lywydd Sefydliad Siartredig y Cymrodeddwyr[5] ar y pryd i benodi cymrodeddwr i dorri'r anghydfod rhyngddynt yn unol â Deddf Cymrodeddu 1996.



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[6]


Mike German
Dirprwy Brif Weinidog Cymru, Y Gweinidog dros Ddatblygu Gwledig a Chymru Dramor

28 Chwefror 2003

Article 5


Land to be transferred from Powys NHS Trust to Powys Local Health Board


Description of land and title number (where applicable)

Ysbyty Broddyfi, Machynlleth	CYM13199
Llandrindod Wells Hospital	WA681837 & WA508116 (possessory)
Llanidloes District Hospital	WA681855
Montgomery County Infirmary, Newtown	WA681839
Victoria Memorial Hospital, Welshpool	WA681854
Breconshire War Memorial Hospital	WA681892
Builth Wells Cottage Hospital	WA681847 & WA731785
Knighton Hospital	WA681845
Bronllys Hospital	WA795582 (+ 1 other)
Ystradgynlais Community Hospital	WA681844
Ystradgynlais Mental Health Resource Centre, Tawelfan	WA515581
Presteigne Health Centre	Licence
Rhayader Health Clinic (to be sold)	WA681852
Llandrindod Wells Mental Health Resource Centre, The Hazels	WA681841
Welshpool Health Centre	WA681848
Mental Health Centre, T Illtyd, Brecon	WA449446
Coelbren Health Centre	WA681850
Hay on Wye Health Clinic	WA681843
Knighton Health Clinic	WA681843
Knighton OT & MH Day Centre	WA681842
Newtown Park Street Health Clinic	WA734950
Llandrindod Wells Offices (Merlin)	WA472981
Llandrindod Wells Stores (Westdene)	WA483290
Newtown District Offices, Back Lane	WA695886
The Larches, Ystradgynlais	WA740541
Ynys y Plant, Newtown	WA825644
Llandrindod Wells Hospital	WA425857

POWYS HEALTH CARE NHS TRUST

APPENDIX (1) PROPERTY PORTFOLIO

Rights of Occupation	Part of Surgery at Cwmllynfell
Rights of Occupation	Part of Surgery at Pengorof
Rights of Occupation	Part of Glynneath Clinic
Rights of Occuaption	Part of Surgery at Abercraf
Rights of Occupation	Part of Surgery at Brecon
Leasehold Premises	Comprising part of Sennybridge Health Centre
Leasehold Premises	Comprising part of Crickhowell Health Centre
Rights of Occupation	Part of Talgarth Surgery
Rights of Occupation	Part of Hay on Wye Surgery
Rights of Occupation	Part of Wylcwm Street Surgery
Rights of Occupation	Part of Erw Vane Surgery
Rights of Occupation	Part of Rhayader Surgery
Leasehold Premises	Comprising part of Hafan Resource Centre
Rights of Occupation	Part of Presteigne Surgery
Rights of Occupation	Part of Gland r Park Surgery
Rights of Occupation	Part of Llanwrtyd Wells Health Centre
Leasehold Premises	Comprising part of Llanidloes Surgery
Rights of Occupation	Part of Caersws Surgery
Rights of Occupation	Part of Machynlleth Health Centre
Rights of Occupation	Part of Glantwymyn Health Centre, Cemmaes Road
Rights of Occupation	Part of Llanfyllin Health Centre
Leasehold Premises	Comprising part of Llanfair Caereinion Health Centre
Rights of Occupation	Part of Surgery at Welshpool
Leasehold Premises	Brynterion
Rights of Occupation	Part of Former Newtown Surgery
Rights of Occupation	Part of Newtown Medical Centre
Rights of Occupation	Part of Montgomery Medical Centre
Leasehold Premises	Comprising part of St David's House, Newtown
Leasehold Premises	Comprising part of Mochdre Unit L (Works North)
Rights of Occupation	Part of Robert Owen House, Newtown

---

O dan baragraffau 20 a 21 o Atodlen 5B i Ddeddf y Gwasanaeth Iechyd Gwladol 1977 (1977 p.49), fel y'i diwygiwyd gan Atodlen 4 i Ddeddf Diwygio'r Gwasanaeth Iechyd Gwladol a Phroffesiynau Gofal Iechyd 2002 (2002 p.17), mae gan Gynulliad Cenedlaethol Cymru y per i drosglwyddo (neu ddarparu ar gyfer trosglwyddo) unrhyw eiddo, hawliau a rhwymedigaethau sy'n perthyn i Awdurdod Iechyd neu i Ymddiriedolaeth Gwasanaeth Iechyd Gwladol yng Nghymru i Fwrdd Iechyd Lleol.

Mae'r Gorchymyn hwn yn trosglwyddo  - 

(a) y tir a'r buddiannau yn y tir a nodir yn Atodlen 1 oddi wrth y perchenogion presennol i'r Byrddau Iechyd Lleol penodol a restrir yn yr Atodlen honno;

(b) cynnwys yr adeiladau neu rannau o'r adeiladau a nodir yn Atodlen 2 i'r Byrddau Iechyd Lleol penodol a restrir yn yr Atodlen honno;

(c) unrhyw eiddo hawliau a rhwymedigaethau eraill, yr awdurdodau iechyd Cymreig i Fwrdd Iechyd Lleol Powys; ac

(ch) pob eiddo, hawl a rhwymedigaeth Ymddiriedolaeth Gwasanaeth Iechyd Gwladol Gofal Iechyd Powys a sefydlwyd gan Orchymyn Ymddiriedolaeth Gwasanaeth Iechyd Gwladol Gofal Iechyd Powys (Sefydlu) 1992 (O.S. 1992/2741) i Fwrdd Iechyd Lleol Powys.

Sefydlir Byrddau Iechyd Lleol gan Orchymyn Byrddau Iechyd Lleol (Sefydlu) 2003 (O.S. 2003/148, (Cy.18)).

Yn unol â pharagraff 20(2) o Atodlen 5B i Ddeddf 1977, dynodir yr eiddo, yr hawliau a'r rhwymedigaethau a drosglwyddir gan y Gorchymyn hwn drwy gytundebau rhwng yr awdurdodau gwasanaeth iechyd a'r Byrddau Iechyd Lleol y mae'r trosglwyddiadau'n effeithio arnynt.

Yn unol â'r gofynion ym mharagraff 21(3) o Atodlen 5B, mae'r Gorchymyn hwn yn cynnwys darpariaethau i ddiogelu buddiannau trydydd partïon, gan gynnwys, lle y bo'n briodol, ddarpariaeth ar gyfer talu swm a bennir gan gymrodeddwr a benodir yn unol â Deddf Cymrodeddu 1996 yn iawndal.

Mae'r Gorchymyn hefyd yn darparu ar gyfer torri unrhyw anghydfodau rhwng awdurdodau gwasanaeth iechyd, sy'n deillio o ganlyniad i unrhyw drosglwyddo a weithredir gan neu o dan y Gorchymyn.

---

Notes:

[2] O.S. 1996/146.back

[3] O.S. 1992/2741.back

[4] 1996 p.23.back

[5] Gellir cysylltu â Sefydliad Siartredig y Cymrodeddwyr y Ganolfan Gymrodeddu Ryngwladol, Bloomsbury Square, Llundain, WC1A 2LP, ffôn 020 7421 744 neu e-bost info.@arbitrators.org.back

[6] 1998 p.38back

 

© Crown copyright 2003

Prepared 25 March 2003