Enwi, cychwyn a dehongli

1.–(1) Enw'r Rheoliadau hyn yw Rheoliadau Comisiynydd Pobl Hyn Cymru (Diwygio) 2008 a deuant i rym ar 12 Mehefin 2008.

(2) Mae'r Rheoliadau hyn yn gymwys o ran Cymru.

2. Yn y Rheoliadau hyn–

• ystyr "y Cwnsler Cyffredinol" ("the Counsel General) yw'r person a benodir o dan adran 49 o Ddeddf 2006;

• ystyr "y Cynulliad" ("the Assembly") yw Cynulliad Cenedlaethol Cymru fel y cyfansoddwyd ef gan adran 1 o Ddeddf 2006;

• ystyr "Cynulliad 1998" ("the 1998 Assembly) yw Cynulliad Cenedlaethol Cymru fel y cyfansoddwyd ef gan Ddeddf Llywodraeth Cymru 1998(4);

• ystyr "Deddf 2006" ("the 2006 Act") yw Deddf Llywodraeth Cymru 2006(5);

• ystyr "y Ddeddf" ("the Act") yw Deddf Comisiynydd Pobl Hyn (Cymru) 2006(6);

• ystyr "Gweinidogion Cymru" ("the Welsh Ministers") yw'r personau a benodir o dan adran 48 o Ddeddf 2006;

• ystyr "Llywodraeth Cynulliad Cymru" ("the Welsh Assembly Government") yw Llywodraeth Cynulliad Cymru fel y'i diffinnir gan adran 45(1) o Ddeddf 2006;

• ystyr "y Prif Weinidog" ("the First Minister") yw'r person a benodir o dan adran 48 o Ddeddf 2006.

Diwygio Rheoliadau Comisiynydd Pobl Hyn Cymru 2007

3.–(1) Diwygir Rheoliadau Comisiynydd Pobl Hyn Cymru 2007(7) yn unol â darpariaethau canlynol y rheoliad hwn.

(2) Yn rheoliad 4 (rhoi gwybodaeth gan bersonau rhagnodedig)–

(a) yn is-baragraff (a) o baragraff (2)–

(i) ar ôl "ac aelodau a chyflogeion" mewnosoder "Llywodraeth Cynulliad Cymru";

(ii) yn lle "y Cynulliad" mewnosoder "Cynulliad 1998"; a

(iii) ar ôl "Cynulliad 1998" mewnosoder "a Llywodraeth Cynulliad Cymru";

(b) ym mharagraff (3)–

(i) yn lle "yw'r Cynulliad" mewnosoder "yw Cynulliad 1998"; a

(ii) ar ôl "Cynulliad 1998," mewnosoder "Llywodraeth Cynulliad Cymru,".

(3) Yn rheoliad 5 (rhoi cymorth mewn achosion)–

(a) yn is-baragraff (c) o baragraff (2)–

(i) yn lle "y Cynulliad" mewnosoder "Gynulliad 1998"; a

(ii) ar ôl "Gynulliad 1998" mewnosoder ", Gweinidogion Cymru, y Prif Weinidog neu'r Cwnsler Cyffredinol".

(4) Yn rheoliad 8 (achosion sy'n destun archwilio)–

(a) ym mharagraff (c)–

(i) yn lle "gan y Cynulliad" mewnosoder "gan Gynulliad 1998"; a

(ii) ar ôl "Gynulliad 1998" mewnosoder ", Gweinidogion Cymru, y Prif Weinidog neu'r Cwnsler Cyffredinol".

(5) Yn rheoliad 11 (rhoi gwybodaeth mewn cysylltiad ag archwiliad)–

(a) yn is-baragraff (a) o baragraff (3)–

(i) ar ôl "ac aelodau a chyflogeion" mewnosoder "Llywodraeth Cynulliad Cymru";

(ii) yn lle "y Cynulliad" mewnosoder "Cynulliad 1998"; a

(iii) ar ôl "Cynulliad 1998" mewnosoder "a Llywodraeth Cynulliad Cymru";

(b) ym mharagraff (4)–

(i) yn lle "yw'r Cynulliad" rhodder "yw Cynulliad 1998";

(ii) ar ôl "Cynulliad 1998" mewnosoder "Llywodraeth Cynulliad Cymru,"; a

(iii) yn lle "gan y Cynulliad" rhodder "gan Weinidogion Cymru, y Prif Weinidog neu'r Cwnsler Cyffredinol".

(6) Yn rheoliad 14 (adroddiadau) yn lle is-baragraff (b) o baragraff (5) rhodder "i'r Cynulliad a Dau Dy'r Senedd".

(7) Yn rheoliad 15 (camau pellach yn sgil adroddiad) ym mharagraff (1) yn lle "y Cynulliad" rhodder "Gweinidogion Cymru, y Prif Weinidog neu'r Cwnsler Cyffredinol".

(8) Yn rheoliad 16 (adroddiadau i'r Cynulliad)–

(a) ym mharagraff (1) yn lle "i'r Cynulliad" rhodder "i'r Prif Weinidog";

(b) ym mharagraff (2) yn lle "i'r Cynulliad" rhodder "i'r Prif Weinidog";

(c) yn lle paragraff (4) rhodder–

• "Yn ddarostyngedig i baragraff (3), rhaid i'r Comisiynydd, erbyn 1 Hydref bob blwyddyn fan bellaf, anfon copi o'r adroddiad y cyfeirir ato ym mharagraff (1), (2) a (3) at y Cynulliad a dau Dy'r Senedd".

Nodyn Esboniadol

(Nid yw'r nodyn hwn yn rhan o'r Rheoliadau.)

Mae'r Rheoliadau hyn yn diwygio Rheoliadau Comisiynydd Pobl Hyn Cymru 2007 ("Rheoliadau 2007") a wnaed o dan Ddeddf Comisiynydd Pobl Hyn (Cymru) 2006.

Mae Rheoliadau 2007 yn gwneud darpariaeth mewn perthynas â swyddogaethau Comisiynydd Pobl Hyn Cymru. Maent yn cynnwys gofynion ynghylch y Cynulliad ar gyfer rhoi gwybodaeth gan bersonau rhagnodedig, darparu cymorth i bobl hyn mewn achosion rhagnodedig, archwilio disgrifiadau penodedig o achosion a pharatoi a dosbarthu adroddiadau penodol.

Mae Deddf Llywodraeth Cymru 2006 ("Deddf 2006") yn gwneud darpariaethau newydd i Lywodraeth Cymru. Mae'r Rheoliadau hyn yn addasu Rheoliadau 2007 fel yr ystyrir sy'n briodol o ganlyniad i Ddeddf 2006. Addesir pob cyfeiriad at y Cynulliad yn Rheoliadau 2007 er mwyn pennu a ydyw'n gymwys i'r Cynulliad fel y cyfansoddwyd ef gan Ddeddf Llywodraeth Cymru 1998; Llywodraeth Cynulliad Cymru; Comisiwn y Cynulliad; y Cynulliad (fel y cyfansoddwyd ef gan Ddeddf Llywodraeth Cymru 2006); Gweinidogion Cymru; y Prif Weinidog neu'r Cwnsler Cyffredinol.