Rheoliadau Cyngor Addysgu Cyffredinol Cymru (Swyddogaethau Disgyblu) (Diwygio Rhif 2) 2009
Gosodwyd gerbron Cynulliad Cenedlaethol Cymru
6 Awst 2009
Yn dod i rym yn unol â rheoliad 1(2) a (3)
Mae Gweinidogion Cymru, drwy arfer y pwerau a roddwyd i'r Ysgrifennydd Gwladol gan adrannau 6, 14(3) a 42(6) o Ddeddf Addysgu ac Addysg Uwch 1998 a pharagraff 1(1) a (4) o Atodlen 2 iddi() ac sydd bellach wedi eu breinio ynddynt hwy(), ac ar ôl ymgynghori â Chyngor Addysgu Cyffredinol Cymru'n unol ag adran 42(9) o'r Ddeddf honno, yn gwneud y Rheoliadau a ganlyn:
Enwi a chychwyn
1.–(1) Enw'r Rheoliadau hyn yw Rheoliadau Cyngor Addysgu Cyffredinol Cymru (Swyddogaethau Disgyblu) (Diwygio Rhif 2) 2009.
(2) Daw'r rheoliad hwn a rheoliad 2 i rym ar 7 Medi 2009.
(3) Daw rheoliad 3 i rym ar 12 Hydref 2009.
Dirymu
2. Dirymir rheoliad 2 o Reoliadau Cyngor Addysgu Cyffredinol Cymru (Swyddogaethau Disgyblu) (Diwygio) 2009().
Diwygio Rheoliadau Cyngor Addysgu Cyffredinol Cymru (Swyddogaethau Disgyblu) 2001
3. Diwygir Rheoliadau Cyngor Addysgu Cyffredinol Cymru (Swyddogaethau Disgyblu) 2001() drwy ychwanegu'r canlynol ar ôl rheoliad 9(1)(b)–
-
"; neu
(c)
bod y Bwrdd Gwahardd Annibynnol, a sefydlwyd o dan adran 1 o Ddeddf Diogelu Grwpiau Hyglwyf 2006(), wedi cynnwys, neu'n ystyried p'un ai i gynnwys, athro cofrestredig neu athrawes gofrestredig yn y naill neu'r llall o'r rhestrau o'r gwaharddedig a gedwir o dan adran 2 o'r Ddeddf honno.".
Jane Hutt
Y Gweinidog dros Blant, Addysg, Dysgu Gydol Oes a Sgiliau, un o Weinidogion Cymru
3 Awst 2009
Nodyn Esboniadol
Mae'r Rheoliadau hyn yn diwygio Rheoliadau Cyngor Addysgu Cyffredinol Cymru (Swyddogaethau Disgyblu) 2001 ("Rheoliadau 2001") ac yn dirymu diwygiad a wnaed i Reoliadau 2001 gan Reoliadau Cyngor Addysgu Cyffredinol Cymru (Swyddogaethau Disgyblu) (Diwygio) 2009.
Mae Rheoliadau 2001 yn gwneud darpariaeth ynghylch swyddogaethau disgyblu Cyngor Addysgu Cyffredinol Cymru.
Effaith y diwygiad a'r dirymiad yw bod swyddogaethau Pwyllgor Ymchwilio sy'n perthyn i Gyngor Addysgu Cyffredinol Cymru yn cael eu gwahardd os yw Gweinidogion Cymru neu'r Ysgrifennydd Gwladol yn dymuno ystyried achos gyda'r bwriad o arfer pwerau o dan adran 142 o Ddeddf Addysg 2002, neu os yw'r Bwrdd Gwahardd Annibynnol wedi cynnwys neu'n dymuno ystyried cynnwys yr athro neu'r athrawes yn y rhestrau o'r gwaharddedig a gedwir o dan Ddeddf Diogelu Grwpiau Hyglwyf 2006.
Er bod y cynllun gwahardd o dan y Ddeddf Diogelu Grwpiau Hyglwyf 2006 yn disodli'r system o roi cyfarwyddiadau o dan adran 142 o Ddeddf Addysg 2002, cedwir y cyfeiriad at y system honno gan fod angen gwahardd swyddogaethau Pwyllgor Ymchwilio mewn perthynas ag achosion sy'n cael eu hystyried o dan adran 142 o Ddeddf Addysg 2002 ond nad ydynt wedi dod i ben ar 12 Hydref 2009.
