Enwi a dehongli

1.–(1) Enw'r Gorchymyn hwn yw Gorchymyn Mesur Teithio gan Ddysgwyr (Cymru) 2008 (Cychwyn Rhif 2) 2009.

(2) Yn y Gorchymyn hwn ystyr "y Mesur" ("the Measure") yw Mesur Teithio gan Ddysgwyr (Cymru) 2008.

Diwrnodau penodedig

2.–(1) Daw darpariaethau canlynol y Mesur i rym ar 30 Hydref 2009:

(a) adran 1(4)(j) (y prif dermau a ddefnyddir yn y Mesur hwn) at ddibenion adran 12;

(b) adran 12 (cod ymddygiad wrth deithio);

(c) adran 26 (diddymiadau) i'r graddau y mae'n ymwneud â darpariaethau Atodlen 2 isod;

(ch) yn Atodlen 2 (diddymiadau), diddymu paragraff 4 o Atodlen 10 i Ddeddf Addysg ac Arolygiadau 2006.

(2) Daw darpariaethau canlynol y Mesur i rym ar 4 Ionawr 2010:

(a) adran 13 (gorfodi cod ymddygiad wrth deithio: disgyblion mewn ysgolion perthnasol);

(b) adran 14 (gorfodi cod ymddygiad wrth deithio: tynnu'n ôl drefniadau teithio);

(c) adran 17(4) (cydweithredu: gwybodaeth neu gymorth arall).

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn dwyn darpariaethau Mesur Teithio gan Ddysgwyr (Cymru) 2008 i rym ar 30 Hydref 2009 a 4 Ionawr 2010.

Mae effaith y darpariaethau yn y Mesur sy'n cael eu dwyn i rym ar 30 Hydref 2009 fel a ganlyn:

• Mae adran 1(4) yn diffinio "mannau perthnasol" ac mae paragraff (j) sy'n cyfeirio at fannau lle yr ymgymerir â phrofiad gwaith yn cael ei ddwyn i rym at ddibenion adran 12 er mwyn i'r cod ymddygiad wrth deithio gwmpasu teithio i fannau o'r fath.

• Mae adran 12 yn ei gwneud yn ofynnol i Weinidogion Cymru lunio cod ymddygiad wrth deithio sy'n nodi'r safonau ymddygiad y mae'n ofynnol i ddysgwyr eu harddel tra byddant yn teithio i'w mannau dysgu ac oddi yno.

• Mae adran 26 ac Atodlen 2 yn cynnwys diddymiadau.

Mae effaith y darpariaethau yn y Mesur sy'n cael eu dwyn i rym ar 4 Ionawr 2010 fel a ganlyn:

• Mae adran 13 yn diwygio adran 89 o Ddeddf Addysg ac Arolygiadau 2006 yn y fath fodd ag i ymgorffori'r cod ymddygiad wrth deithio ym mholisi ymddygiad ysgol.

• Mae adran 14 yn caniatáu i awdurdod lleol dynnu cludiant oddi wrth ddysgwr sy'n methu â chydymffurfio â'r cod ymddygiad wrth deithio.

• Mae adran 17(4) yn ei gwneud yn ofynnol i bennaeth gynorthwyo awdurdod lleol i orfodi'r cod ymddygiad wrth deithio.

Nodyn Orchymyn Cychwyn Blaenorol

(Nid yw'r nodyn hwn yn rhan o'r Gorchymyn)

Mae darpariaethau canlynol Mesur Teithio gan Ddysgwyr (Cymru) 2008 wedi eu dwyn i rym gan Orchmynion Cychwyn a gafodd eu gwneud cyn dyddiad y Gorchymyn hwn:

Gweler hefyd adran 28(1) ar gyfer y darpariaethau a ddaeth i rym ar 10 Chwefror 2009 (deufis ar ôl cymeradwyo'r Mesur gan Ei Mawrhydi yn y Cyfrin Gyngor).